२८ नोव्हेंबर २०१३

❀ ❀ ❀❀ ❀ ❀❀ ❀ ❀❀ ❀ ❀❀ ❀ ❀❀ ❀ ❀

सकाळी काकीनाडा येथून पिठापूरम् येथे आलो. 

आता पुढील चार दिवस आम्ही येथेच राहणार आहोत.
हे घर म्हणजे श्रीपाद वल्लभ यांच्या आत्याचे घर…!!!
व्यंकटप्पय्या श्रेष्ठी यांचे घर.

卐   卐   卐   卐   卐   卐   卐   卐   卐   卐

पिठापुरम् महासंस्थान...

मला वाटतं हे मंदिर १९८४ या वर्षी बांधले.
दोन्ही बाजुच्या गेटवर श्रीपाद श्रीवल्लभ यांचे छोटे मंदीर आहे.

 जणूकाही ते येणाऱ्या भक्ताचे स्वागत करत आहेत.

आत आल्यावर आवळ्याचे झाड, त्याला पार आणि छोटेसे मंदिर श्रीपादांचे.

 आणि एक मोठी फ्रेम आहे.

मुख्य मंदिर १०×१० चे असावे.
मंदिराचे दरवाजे चांदीचे आहेत.
सभागृह नंतर बांधले.

☆☆☆☆☆☆☆☆☆☆☆☆☆☆☆☆☆☆☆☆

मंदिरात समोरच श्रीदत्तात्रेय,

 डावीकडे श्रीपाद श्रीवल्लभ
उजवीकडे नृसिंह सरस्वती

अप्रतिम, सुंदर, विलोभनीय,  नितांत सुंदर असे दर्शन…!!!

     या मंदिराला लागूनच औदुुंबर व छोटे पादुकांचे मंदिर आहे.
     उजव्या बाजुला समोर एक आरसा आहे यात सुद्धा दर्शन मस्त होते.

☆☆☆☆☆☆☆☆☆☆☆☆☆☆☆☆☆☆☆☆

     ज्यांना पारायण करायचं असेल त्यांना मंदिरामागे सभागृहात बसून पारायण करता येते.
     येथुन हलुच नये असे वाटत होते.
     येथे कितीही वेळ दर्शन घेत उभे राहिले, बसले तरी कोणी काही बोलत नाहीत.
      येथे भजन गायन सेवा देऊ शकतो, गजर म्हणू शकतो.
दर्शन घ्यायला घाई-गडबड नाही.-

अभिषेक झाल्यानंतर....

     तीर्थ ठेवलेले असते ते बाटलीत घेऊ शकतो.
     अष्टगंध पादुकांना लेपन केलेले असते ते प्रसाद म्हणून वाटतात,

 ते आपण घरी आणू शकतो.

अभिषेक- पंचामृत, आमरस, सुकामेवा, संत्रारस, नारळपाणी यांचा करतात.

 ते प्रसाद म्हणून ग्लासमधुन देतात.
     आपण श्रीपादांना आवडणारा हलवा प्रसाद म्हणून वाटू शकतो,
ऑफिसमधे पैसे भरले की तो तयार करून देतात.

     येथे सुंदर गोशाळा आहे.

गोशाळेतील गायी बघण्यात रमून गेले.

मंदिरातच आम्हाला रामस्वामी यांचे दर्शन झाले.

 त्यावेळी आम्ही प्रदक्षिणा घालत होतो. 

त्यांनी मुख्य मंदिरात जाऊन दर्शन घेतले त्यावेळी मी प्रदक्षिणा घालत होते.

 नंतर ते प्रदक्षिणा घालत असतांना आम्ही एका बाजुला उभे राहिलो आणि दर्शन घेतले.

 मग ते त्यांच्या स्थानावर जाऊन बसले.

 मग सर्वांनी ओळीने दर्शन घेतले.

 ते निघाले तेव्हा त्यांचा पाठमोरा फोटो घेता आला.

**********************************************

महासंस्थानाची धर्मशाळा सोयींनी युक्त आहे.
राहण्यासाठी छान खोल्या, 

आंघोळीसाठी गरम पाणी मिळते.
सकाळी चहा,कॉफी मिळते, दोन्ही वेळेला प्रसादाचे जेवण मिळते.

**********************************************