प्रदक्षिणा.... प्रसाद...

प्रदक्षिणा.... प्रसाद...

आम्ही जमेल तेव्हा १०८ प्रदक्षिणा घालुया असे ठरवले... 

तीन दिवस मी १०८ प्रदक्षिणा घालू शकले.

प्रदक्षिणा घालतांना सहज मनात आले म्हणून पावले मोजली ती ३३ झाली
मला हा योगायोग वाटला
(चरितामृतात ३३ या अंकाचे महत्त्व दिले आहे)

प्रसाद.....

     मी एकएक दिवस वेगळा प्रसाद दाखवत होते.
मोठे साखरफुटाणे,
गूळाची ढेप,
राजगीरा चिक्की,
पत्री साखर व शेंगदाणे.
असा नेवैद्य दाखवला.
पण जेव्हा राजगीरा चिक्की व गुळाचा नेवैद्य दाखवला

 तेव्हा तो मंदिरातच ठेवला याचे समाधान वाटले.

     यागाचे दिवशी पेढ्यांचा नेवैद्य दाखवला आणि तो वाटला.

     शनिप्रदोषाचे दिवशी हलव्याचा प्रसाद वाटला.
हलवा श्रीपाद श्रीवल्लभ यांना फार आवडत असे.

 त्यांची आजी त्यांना करून देत असे.
 चांदीच्या वाटीत देत असे 

~~~~••••~~~~~••••~~~~••••~~~~~••••~~~~••••~~~~~••••~~~~••••~~~~~••••

शनिप्रदोष :

यादिवशी आम्ही मंदिरात सामुहिक १०८ तुपाचे दिवे लावले. औदुंबराभोवती.

त्यानंतर आवळ्याचे झाड आहे 

तेथे श्रीपादांची एक फ्रेम व छोटे मंदीर आहे

 तर झाडाभोवती जो पार आहे 

त्या पारावर ११ तुपाचे दिवे लावले.

 जेथे आमचे वास्तव्य होते तेथे

 दत्तात्रेयांसमोर ११ तुपाचे दिवे लावले.

[•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•] [•]

अन्नावरम् मंदिर, सत्यनारायण मंदिर:

हे दुमजली मंदिर आहे.
वरच्या मजल्यावर मुखदर्शन तर खालच्या मजल्यावर धड व पाय यांचे दर्शन ......

ब्रह्म कमळावर उभे आहेत सत्यनारायण...!!!

येथे सुद्धा अकरा तुपाचे दिवे लावले.... झाडाच्या पाराभोवती.

अभिषेक......

मुख्य मंदिरात .....

   पाषाणांच्या पादुकांवर अभिषेक केला जातो.
      पंचामृत, नारळपाणी, संत्रारस, आमरस, सुकामेवा भस्म याचा अभिषेक होतो.

जेव्हा पादुकांवर दुधाचा अभिषेक होतो तेव्हा त्या खूप सुंदर दिसतात.

जेव्हा मधाचा अभिषेक होतो तेव्हा त्या सोन्याच्या भासल्या.

हे सर्व नंतर प्रसाद म्हणून ग्लासमधुन देतात.

पाण्याचा अभिषेक होतो ते तीर्थ म्हणून वाटतात.

भस्म नंतर अंगारा म्हणून आपण घेऊ शकतो.

पादुकांना अष्टगंध लेपन करतात हे सुद्धा नंतर वाटतात.

चित्रा नक्षत्र पूजन...

आम्ही स्वतंत्र पैसे भरून अभिषेक केला.
यासाठी ऑफिसमधे आदल्या दिवशी पैसे भरावे लागतात.

गोत्र माहिती नसेल तर काश्यप गोत्र धरतात.
ज्यांनी पैसे भरले असतील त्यांचे नाव पुकारतात.
(आपण बसून मंदिरात होणारा अभिषेक- याचा अनुभव घ्यायचा)

२९ नोव्हेंबर ....
चित्रा नक्षत्र पूजन सगळ्यांनी मिळून केले. त्यावेळी अभिषेक केला.

३० नोव्हेंबर

शनिप्रदोष....

त्यावेळी अभिषेक झाला.
पाषाण पादुकांवर अभिषेक झाला की त्यावर चांदीच्या पादुका ठेवतात.

 पादुकांच्या मागेच चांदीची दत्तात्रेयांची मुर्ती आहे. त्यावर फुले वाहतात.
ही फुलाची सजावट, फुलं अर्पण करणं, फुलं वाहणं हा छान सोहळाच असतो. 

गुरुजी सुंदर व झटपट हा सोहळा… करतात.
श्रीदत्तात्रेय, नृसिंह सरस्वती, व श्रीपाद श्रीवल्लभ यांच्या 

संगमरवरी मुर्तींना सुंदर हार- फुलांचे व तुळशीचे अर्पण करतात.
खुप खुप देखणे बघत राहावे असे दृश्य.... बघत राहावे असे....
हे पाहून डोळ्यांचे पारणे फिटते.

 संध्याकाळी 
काळे तीळ , काळे कापड , काळे उडीद , काळ्या दोऱ्यात लवंगा बांधुन  असे गुरुजींना दान दिले

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::