चिंब भिजलेली सकाळ

 

   रात्रभर एका लयीत पाऊस पडत होता बहुतेक!

   सकाळी जाग आली, तर आहेच पाऊस!!!!!

(पावसाळा आहे केव्हाही येणारच ना पाऊस!!!)

रात्रभर पडत होता ना तर.....
मनात विचार आला फिरायला जायच्या वेळेपर्यंत थांबेल, घेईल थोडी विश्रांती!
मग सगळी कामं आटपली.
     खरंच थांबला की! मग निघाले,
हो पण ..... छत्री घेतली बरोबर,

 लोकलज्जेस्तव!!!!
असो, निघाले तर खरी....
छान प्रसन्न वातावरण !!!!!
जेमतेम नानाचौकात पोहोचले आणि रिमझिम पाऊस सुरू झाला, मग काय समोरच नाना चौक आकाशी उड्डाण पुलाच्या पा़यऱ्या दिसल्या. जिने चढायला सरूवात केली,

 ६० पायऱ्या. जिने चढत नाही ना कधी जास्त!!!
मग बघते तर माझ्यासारखेच चारपाच जण आहेत.
प्रथम फेरी झाली, आता दुसऱ्या फेरीला निरिक्षण केलं....

व्वा... मस्त स्वच्छ ओले रस्ते.

एवढ्या सकाळी वाहनांची, माणसांची गर्दी नाही. दूरवर नजर जात होती पहिला स्टेशनकडचा रस्ता, मग ग्रँटरोड ब्रीज, केनेडी ब्रीज, चौपाटी-गावदेवी कडे जाणारा रस्ता, ऑगस्ट क्रांती मैदानाकडे जाणारा रस्ता,

 नंतर ताडदेव रोड,
फारच छान वाटलं!!!!
आणि त्यातसुध्दा मजेचा भाग म्हणजे असा छान पाऊस, ओलसर वातावरण आणि 

आपण मात्र कोरडे, छत्री न उघडताच चालतोय!
       पाऊस होता बारीक बारीक ....
मस्त भरलेलं आभाळ, पडत असणारा पाऊस, झाडांचे दिसणारे शेंडे आणि

 लांबवर दिसणारा बाबुलनाथ मंदिराचा कळस!!!!!

ज्याचं मी रोज दर्शन घेते, आजही घेतलं दर्शन!!!
असं सुंदर दर्शन घेत आजचं मॉर्निंग वॉक झालं !!!!!
या स्कायवॉक २३जुलैै२०१४ रोजी सुरू झाला.

**********************************************************************************