नाबाद १००

     बघता बघता १०० लिखाणं झाली की...!!!!

रोज तुम्ही माझ्याबरोबर मॉर्निंग वॉकला येताय, अगदी न कंटाळता.....!!
त्यामुळे आज १०० लिखाणं, छोटी छोटी पूर्ण केली.

 दररोज आपला छान संवाद होतोय, विचारांची मस्त देवाणघेवाण होत आहे.
* मे महिना सुरू झाला आणि आता तु पाठवलेलं शांतपणे वाचता येईल!!!
* आज काही लिहिलं नाहीस का?
* पावसाळा सुरू झाला की लिहिणार की नाही, पण आम्हाला पाठवच तू लिहिलेलं!!!!
* तु लिहिलेलं अगदी नजरेसमोर उभं राहिलं.
* चित्रकार असेल तर त्याने हुबेहुब चित्र काढलं असतं हे वर्णन वाचून!!!!
* तुझं लिखाण पेपरमधे छापून येईल..
माझे तुला आशीर्वाद आहेत!!!!
* प्रार्थना तर तूच म्हणतेस असं वाटलं!
* तू छान लिहितेस गं!!!
* खरंच का गं तुला मोर दिसला मुंबईत की मनातलं लिहितेस???
* छान छान!!!
वॉकच्या निमित्ताने नाचणारा मोर, गाणारी कोकीळा, झोपाळा.... मज्जा आहे तुझी!!!!
* अरे व्वा!!! आता तुझं लिखाण निसर्गाकडून व्यक्तींकडे, मग प्रवासवर्णन पण येऊ दे.
* तू लिहि , छान लिहितेस.
* काहीवेळा छान शिर्षक सुचवलंत.
* आज काय असेल बरं???
म्हणून whatsapp उघडतो
या आणि अशा तुमच्या प्रेमळ शब्दांनी लिहित गेले, ब्लॉगवर टाकत गेले. नवनविन मांडायचा प्रयत्न करत आहे.
यामुळे प्रत्येक गोष्ट, घटना, निसर्ग, व्यक्ती याकडे पाहण्याची दृष्टी मिळाली.
तुम्ही मला दिलेला reply इतका सुंदर असतो की त्या reply ची मी आतुरतेने वाट बघते.
योगायोगानेच सुरू झालं लिखाण!!!
५ एप्रिलला झालेलं सुरेख सूर्यदर्शन!!!!! 

आणि ते लिहिलं आणि तुम्हा सर्वांना ते आवडलं!!!!
मग सुरू झालं माझं लिखाण.
मस्त निसर्गसौंदर्याचा काळ!
      मला दोनचार जण म्हणत होते तू लिहू शकशील, लिही. पण....
योग्य वेळ यावी लागते हेच खरं!!! एखादवेळेस वही पेन घेऊन लिहिलंही नसतं कदाचित रोज. पण हातात मोबाईल आणि मराठी टाईप करता येतंय,

बरोबर तुम्ही सगळे मग सुरू झालंय लिखाण.