गाय....

गाय....

     सकाळी फिरायला जातांना आणि फिरून येतांना असं दोनही वेळेला
दोन- तीन गायी आणि मागून भैय्या असं नेहमी दिसतं.

 मग लक्षात आलं की देवळाजवळ गायवाली असते ना ती या गायी घेऊन बसते.
आणि आपण तिला चारा, लाडू जे गायवालीने बनवलेले असतात ते खाऊ घालतो.
     तर......  गायीचे डोळे नीट बघितले आहेत का निरखून ? 

 डोळे पाणीदार असतातच पण
वात्सल्य, प्रेम, माया असे भाव कायम तिच्या डोळ्यात दिसतात.
     चातुर्मासात गोपद्म व्रत करतात. चार महिने रोज ३३ गोपद्म देवासमोर काढतात. 

असं ५ वर्ष नविन लग्न झालेल्या स्त्रिया व्रत करतात.
     संस्कार भारती या रांगोळी प्रकारात गोपद्माला महत्वपूर्ण स्थान आहे.

 चैत्रांगणात, दररोज देवासमोर, उंबरठ्यावर काढल्या जाणाऱ्या रांगोळीत गोपद्म काढलं जातं.
     धार्मिक कार्यात गोदानाला खुप महत्व आहे. तसेच गायीसाठी गोग्रास ठेवतात.
     देव्हाऱ्यात गाईच्या मुर्तीची पूजा केली जाते.
     मूळ नक्षत्रावर बाळाचा जन्म झाला तर

     बाळाला सूपात ठेवून गायीकडून बाळाला स्पर्श किंवा चाटवले जाते.
     दिवाळीचा पहिला दिवस वसूबारस!!!!!

     गाय-वासराची पूजा करून गोड पदार्थाचा नेवैद्य दाखवतात.

     एखादी स्त्री सहनशील असेल तर गरीब गाय आहे !!! असं म्हणतात.

     गायीला गोमाता म्हणतात.

(म्हशीचं दूध रोज आपण वापरतो पण तिला मावशी पण म्हणत नाहीत)

     हिंदू धर्मात गायीला आपण देव मानतो.

★ श्रीगुरूदत्तात्रेयांजवळ गाय.

★ श्रीकृष्णाला पण गाय प्रिय.

★ गायींना पाळणाऱ्यांना गोपाल म्हणतात.....

★ तिच्या  पोटात ३३ कोटी देव आहेत असं आपण मानतो.

असे अनेक विचार माझ्या मनात रोज या गायींना बघितले की येतात.

आणि या सर्व छान गोष्टींचं स्मरण रोज होतं.

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::