गुलबक्षी....

सुंदर, नाजुक,

संध्याकाळी उमलणारी ही फुलं!!!

 म्हणूनच हिला सायंकाळ हे सुद्धा नाव आहे
किती सुंदर सुंदर रंगात असतात गुलबक्षीची फुलं!
फिका गुलाबी, गडद गुलाबी (याचचं नाव मी गलुबक्षी रंगअसं ठेवलंय),

 पिवळा, पांढरा, आणि काही फुलं तर पिवळ्या फुलात एखादीच रेघ गडद गुलाबी,
 गडद गुलाबी मधे पांढरी रेघ, पांढऱ्या फुलात गडद गुलाबी रेघ.... अशी विविधता आढळते.

 विविध रंगांच्या बिया एकत्रित करून एकत्र झाड बनले तर
 प्रत्येक फांदीला वेगळ्या रंगाचे फुल फुललेले दिसते.
याची पानं पसरट, मऊ असतात,

 पानांचा रंग छान हिरवा असतो.
याचं रोप आपोआप येतं,
याच्या बिया काळ्या मिरी किंवा पपईच्या बी प्रमाणे दिसतात.
( काळ्या रंगांच्या असतात.)
मला वाटतं या बिया वाळल्या की वाऱ्याने उडतात व रोप येते.

 फुलाखालीच हिरव्या रंगाचं बीजांड असतं
त्याचीच बी बनते.
या फुलांची वेणी हार करतात,
ही वेणी करणं ही एक कला आहे.

 ती करण्यासाठी सुईदोरा लागत नाही.

फुलंच एकमेकांत गुंफुन मस्त वेणी बनवतात.

  संध्याकाळी देवदिवा लावल्यानंतर हा फुलांचा हार  देवाला वाहिला की खूप सुंदर वाटतं.

आमच्याकडे मात्र फिक्या गुलाबी रंगांची फुले येतात.

 कोणत्याही रंगाच्या फुलांचं बी कुंडीत घातलं तरी

 फुलं येतांना मात्र फिकि गुलाबी येतात.