दुबई मॉल...

 १६ ऑक्टोबर दुपार

खूपच मोठा....

आज येथील प्रथम आकर्षण... मत्स्यालय...

म सूर्यास्त... अर्थातच जगातील सर्वात उंच इमारतीवरून.. १२४ व्या मजल्यावरून.!

आणि नंतर fountan...show

मत्स्यालय बघितले

वाह अप्रतिम.!!!

खूप फोटो आणि व्हिडिओ काढले.

नावे लक्षात राहिली नसती.

पेंग्विन बघितले, मस्त व्हिडिओ घेतला.

आताच्या आता दुबई मध्ये पेंग्विन दुसऱ्यांदा बघितले.

ski  दुबई मध्ये

आणि मुंबईत एकदा!!!

राजमाता जिजामाता प्राणी संग्रहालय  येथे 

दुबई  मॉल येथे गेल्या गेल्या मत्सालाय बघितले

अप्रतिम.! 

शब्दच कमी पडतील वर्णन करायला

तरी आम्ही वेगळ्या राईड घेतल्या नाहीत

नुसतेच मासे बघितले.

काही जण माशांबरोबर पोहत होते...

काही त्या पाण्यात बोटीतून फिरत होते.

:::::::::::::::::::::::::::::::::::::::::::::::::::::

१६ ऑक्टोबर 

संध्याकाळ

दुबई मॉल मध्ये.

बुर्ज खलिफा इमारतीत जाण्यासाठी तयार आहोत.. 

तिकीट आधीच काढले आहे. वेळेत आलोय.. 

लिफ्ट साठी भलीमोठी रांग आहे...

 पण जरासुद्धा चुळबुळ, अस्वस्थता, घाई, गडबड गोंधळ नाही.

 चला, लागला नं लिफ्ट साठी, बहुतेक एकावेळी पंचवीस माणसे....

 आणि काहीच वेग न कळता

 अलगद दीड मिनिटात 124 व्या मजल्यावर आलो सुद्धा.!

आणि खूप लोक असले तरी... असे खूप गर्दी, रेटारेटी काहीच नाही.

लोक फोटो काढत आहेत.. कोणी मस्त बसलेत... असो

आता सूर्यास्त होईल.. 

काही मिनिटातच 

यासाठीच तर आलोय इतक्या वर

 समोर अथांग सागर.. ज्याचे वेगवेगळ्या भागातून दर्शन घेतले आहे... 

वेगळाच दिसला आहे समुद्र .... वेगवेगळ्या ठिकाणाहून वेगवेगळ्या वेळी

आज सकाळचा

निळाशार... उन्हातला..

सुंदर समुद्र...

आणि आताचा... दूरवर दिसणारा सूर्यास्त होत जाणारा... 

असो.. उंचावरून संपूर्ण दुबई पण छान दिसते...आहे.

आता फक्त संधी प्रकाश.!!

केशरी सोन्याचा गोळा

पण अजून प्रखर दिसतोय सूर्य..

छान नैसर्गिक केशरी लालसर, सोनेरी, जांभळट छटा दिसतात.

मानवाला सूर्यास्त बघण्याचे आकर्षण असते... कुठेही गेले तरी कसा असतो सूर्यास्त???

बघुया.....

तसे आपल्याकडे आपण बघतोच सूर्यास्त आणि सूर्योदय सुद्धा... 

आणि आपण तर ऋतुमान बदलणाऱ्या भागात राहतो... त्यामुळे होणारे निसर्गातील बदल अनुभवतो.

खाली कुठेतरी वाचलेले आहे...

 आकाशाला हात लागतील ... 

तसे काही नाही...

 पण आलोय मात्र खूपच उंचावर... 

खास सूर्यास्त बघण्यासाठी..

सुंदर असा सूर्यास्त बघितला...

 व्हिडिओ घेतला म्हणून कळले..

. पूर्ण सूर्यबिंब नजरेआड होण्यासाठी फक्त तीन मिनिटे..! 

अगदी कवितेच्या ओळी ओठी आल्या.. 

कुठे बुडाला पलीकडे तो सोन्याचा गोळा...

नंतर जिने चढून 125 व्या मजल्यावर गेलो..

३६ पायऱ्या अर्थात गोलाकार जिने....

थोडावेळ सगळे पुन्हा निरीक्षण केले

परत खाली आलो

म मात्र या शहराचे शांतपणे बदलणारे रूप बघत होते...

 हळूहळू चमचमती.. दुबई दिसू लागली...

 ब्रिजचे जाळे, दिसणारा ट्रॅफिक... पण सतत.. प्रवाही...

ट्रॅफिक जाम कुठंच दिसत नाही.

उंच इमारती आता खाली दिसत आहेत..

आता बघितले तर.. वर स्टॉल्स आहेत... पण काही घ्यायचे नव्हते...

चला लिफ्ट साठी रांग लावली...

लिफ्ट आली.. निघालो

१२३ व्या मजल्यावर उतरलो... 

आणि वेगळ्या लिफ्ट साठी उभे राहिलो.

निरीक्षण केले...

 या मजल्यावर ऑफिस असावे... छान वाटत होते

प्रत्येक ठिकाणी सुंदर वेगवेगळी झुंबर.. काचेची

असो.. लिफ्ट आली आणि एक मिनिटात खाली आलो सुद्धा...

१२ तारखेला जेव्हा दुबई विमान तळावर उतरलो तेव्हा वाचले होते...

स्वर्गाचा दरवाजा चीन येथे तर.... 

त्या दरवाजाची किल्ली दुबई आहे

(असे इंग्रजी वाक्य विमानतळावर वाचले...)

त्यानंतर तिकडेच जेवलो

आणि नंतर fountain शो बघितला जेवता जेवता

छोटासा पण छान झाला. Show

यांचा खास वाढदिवस साठ  पूर्ण 

परदेशी दुबई येथे 

जगातील उंच इमारतीत १२४ व्या मजल्यावर 

आगळ्या वेगळ्या रीतीने साजरा झाला 

::::::::::::::::::::::::::::::::::::::::::::::::::::::::