आश्चर्य

आश्चर्य वाटेल अशी घटना..

     चर्चगेटला रेल्वेत बसलो. आणि एक व्यक्ती जी लोकांकडे हात पसरून मदत मागत होती. व्यक्ती अशक्त तर होतीच पण थोडसा पोलीओ असावा अशी अपंग पण होती.
     मी ती व्यक्ती लांब असतांना बघितलं, यांना खूण केली की 'त्यांना' मदत करा.
यांनी १०/- रू. ची नोट त्याना दिली. तर त्याने काही चिल्लर जी हातात होती ती यांच्यापुढे केली व यातून काढून घ्या असे खुणेनेच सांगितले. यांनी नको असे खुणेनेच सांगितले
     ती व्यक्ती संपूर्ण डबा फिरून परत आली व यातून पैसे काढुन घ्या असे खुणेनेच सांगितले. यांनी परत ठीक आहे नको असे खुणेनेच सांगितले.
     आम्हाला या गोष्टीचे आश्चर्य वाटले की ती व्यक्ती २ वेळा येऊन यातून पैसे घ्या म्हणून सांगत होती.
     नाहीतर हल्ली पैशांना एवढं महत्त्व आहे की फुकट, काही काम न करता जेवढे पैसे मिळतील तेवढे हवे असतात.

पण..... ही व्यक्ती वेगळीच भासली.