उन्हाळी चाफा

चाफा...
चाफा म्हटलं की नजरेसमोर येतात... कवठी चाफा, सोनचाफा, हिरवा चाफा,

लालचाफा, पांढरा मोठ्या पाकळ्यांचा चाफा, आणि या चाफ्याला मी म्हणते उन्हाळी चाफा.याबद्दलच मी आता सांगणार आहे.

     हा चाफा उन्हाळ्यात इतका फुलतो की झाडावर पान नसतंच. सगळीकडे फुलांचे मस्त गुच्छ!!!!
     लहानपणी सगळ्यांनीच याच्या अंगठ्या केल्या असतील, कानात कसं दिसेल हे पण बघितलं असेल, आता तर याचे केस बांधण्यासाठी क्लिप्स पण आले आहेत.
असंही हे फूल डोक्यात घालत नाहीत. पण याची सुंदरता बघून कोणीतरी क्लिप्स बनवल्या. मस्त!!!!!!
     पाच पाकळ्याचं हे फूल अगदी आत गडद पिवळं आणि नंतर फिक्कं होत पांढरट दिसतं. देठ तांबूस चॉकलेटी असतं. या चाफ्याला बहुतेक वास नसतो
     आणि काही अगदी पांढरी मोठ्या पसरट पाकळ्यांची.
अप्रतिम दिसतात झाडावर.
२/३ दिवस तरी झाडावर असतात. आणि खाली पडलेली दिसली ना की ती उचलावीशी वाटतात.
     चाफा प्रकारातलं कोणतंही फूल असो चाफा तो चाफाच! हवा हवासा वाटणारा !!!!!!

चाफा...!!