चहा .....

चहा .....

     सकाळी उठल्या उठल्या चहा पिणाऱ्यांना चहा लागतोच.
त्यात किती तऱ्हा असतात.

• कुणाला ताज्या दुधाचा ताजा चहा लागतो. 

त्यात पण कुणाला आयता मिळाला तर हवा असतो, तर कुणी स्वतः करून पितात.

• आता असा पहिला चहा पितांना कुणी आलं तर त्यातील अर्धा ते देत नाहीत, म्हणतात...

 थांबा हं माझा चहा पिऊन झाला की देतो.

• हा चहा पितांना कुणी मगात चहा पिणे पसंत करतात तर कुणाला कपबशीच हवी.

• पुर्वी तर चांदीच्या कपबशीमधून चहा प्यायला जायचा.

• काही ठिकाणी चहा ग्लासमधे मिळतो,

• कुणाला चहा लालसर हवा तर कुणाला पांढरट!!!!

• कुणाला प्युअर दुधाचा तर कुणाला पाणी दुध मिक्स!

• यात कुणी चहा, मसाला घालुन पितात तर कुणी आलं घातलेलाच पितात.

• कुणी कुणी अगदी गरमगरम चहा पितात, इतका गरम पितात की,

 (त्यांच्याबाबतीत असं म्हणतात की गॅसवरून सरळ यांच्या तोंडात चहा गाळावा.)
तर कुणी अगदी गार पितात.

• कुणाला चहा स्ट्राँग लागतो तर कुणी अगदी नावाला पावडर घालून जास्त न उकळवता पितात.

• कुणाला तर गुळाचा, काळा चहा आवडतो.

• कुणीकुणी एकाच ब्रँडचा चहा पितात.

• कुणाला कडक पण गोड चहा आवडतो, पण काहीजण साखर न घालताच चहा पितात.

• कुणाचं चहा हे अगदी दैवत असतं तर कुणी कधीच चहाची चवच घेतलेली नसते.

•  एकदा चहा पिऊन झाला की थोड्याथोड्या वेळाने दोन दोन घोट चहा पिणारे लोक असतात.
तर.... सकाळी एकदा मनाप्रमाणे चहा पिऊन झाला की परत ते चहा पित नाहीत.

• काही जण फक्त घरचाच चहा पितात.

• चहा पितांना काहीजण उभे राहून चहा पितात तर काहींना बसून जोडीला वर्तमान पत्र असेल तर....

 फारच छान!!!!!
(म्हणजे वर्तमान पत्र हवंच)

• बाहेर चहा पितांना काहीजणांना कटींग चहा प्रिय, तर 

काही ठिकाणी कटींगमध्ये पण कटिंग चहा मिळतो अशी तक्रार करतात.

• काही जणांना दुपारी अगदी ठरलेल्या वेळी चहा हवाच नाहीतर त्यांचं डोकं दुखतं, बेचैन होतात.

   काहीजण रात्री झोपताना चहा पिउन झोपतात  तर काहींना संध्याकाळनंतर चहा प्यायला कि झोप येत नाही.

    अनेकांना चहा प्यायला की काम करायला तरतरी येते. तर काही जणांना चहा प्याला की भूक लागत नाही,
   
     प्रवासात नुसतं पाणी न पिता काही चहा पितात म्हणजे उकळलेले पाणी प्याल्यासारखे होते.

• काहीजण चहा स्वतः पित नाहीत, पण चहा उत्तम करतात.

• व्यक्ती तितक्या प्रकृती याप्रमाणे,

 एकाच घरातल्या व्यक्तींच्या चहाबाबतच्या सवयी निरनिराळ्या असतात.

• आलेल्या पाहुण्याचे स्वागत चहाच्या कपाने होते.

• खुप पाऊस पडत असेल तर गरमगरम चहासोबत कांदाभजी!!!

 मग काय पावसाचा आनंद द्विगुणित होतो.

★ कुठेही, केव्हाही, आवडीने प्यालं जाणारं पेयं म्हणजे चहा!!!

• जे चहाबाज असतात ना, त्यांना चहा घेणार का????
असं विचारलेलं आवडत नाही.

 (माहितीतले काका म्हणत की सवाष्णीला हळदीकुंकू लावते म्हटलं तर ती ते अव्हेरत नाही,

 तसं चहाबाज चहा म्हटलं तर नको म्हणत नाही)

• तर असं हे चहा पुराण!!!

आपल्यापण आजुबाजुला असे चहाबाबतचे किस्से असतीलच!
हो ना....

(आता ग्रीन टी, हर्बल टी... असे चहाचे प्रकार आहेतच).

{} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {} {}