नमस्कार....वंदन... नमन

नमस्कार....वंदन... नमन

काही शब्द....
राम राम
राम राम पाव्हनं
जय राम जी की
नमस्कार
नमस्कार मंडळी
सप्रेम वंदे
सादर प्रणाम
साष्टांग दंडवत
शि. सा. न.
साष्टांग नमस्कार

आपण सकाळी जाग आल्यावर धरणी मातेला वंदन करतो. आणि आभार मानतो.
"हे धरणीमाते, तुझ्यावर आता आम्ही आमची पावले ठेवणार आहोत, तु आम्हाला अन्न, वस्त्र, निवारा हे सर्व देतेस!"

पंचमहाभुतांना नमस्कार करतो.

देवाचे आभार मानतो की, आजचा दिवस आम्हाला दाखवलास.

ज्यांच्या चरणी लीन व्हावे असे वाटते त्यांना आपण सहज नमस्कार करतो.

सुर्याला नमस्कार हा तर उत्तम सर्वांग सुंदर व्यायाम आहे.
सुर्याला अर्ध्य देणे,

 उगवत्या सुर्याला अभिवादन करणे हे सुद्धा नमस्काराचे प्रकार आहेत.

तसेच कोणाची माफी मागायची असेल तरी आपण नमस्कार करतो.

विनंती करायची असेल तरी नमस्कार करतो

काही वेळा आपण असं म्हणतो, तुला कोपरापासून नमस्कार करतो,

 मला माफ कर, किंवा माझं ऐक!!

किंवा पाया पडतो तुझ्या, पण माझं ऐक असं म्हणतो.

साधारणपणे वाकून नमस्कार करतात,
काही पुरूष साष्टांग नमस्कार करतात.

हल्ली मात्र गुडघ्याला हात लावून एका हाताने नमस्कार करतात

जेव्हा न वाकता नमस्कार केला जातो,

 तेव्हा स्वाभाविकपणे आपण थोडेसे कमरेतून झुकतो,

 दोनही हाताचे तळवे जोडले जातात, मान किंचित झुकते डोळे मिटले जातात.
यालाच आपण नम्रत्वतेने नमस्कार असं म्हणतो.

काही वेळा हात उंचावून सुद्धा झालेला आनंद, भेट हा सुद्धा नमस्काराचा प्रकार म्हणता येईल.

समवयस्क भेटल्यानंतर आलिंगन देतात ते सुद्धा नमन म्हणता येईल.

पाया पडू नको, भेटू एकमेकांना, म्हणून मिठी मारतात

तसेच समवयस्क, समविचारी, ऑफिसमधे भेटणारे, नव्याने ओळख होत असतांना हस्तांदोलन करतो,

 तो सुद्धा नमस्काराचा प्रकार म्हणता येईल.

मंदिरासमोरून जातांना केला जाणारा नमस्कार : उजवा हात कपाळाशी, मग हनुवटी-ओठापाशी,

 आणि मग छातीपाशी नेऊन मान झुकवतात.

वेगवेगळ्या धर्मात वेगवेगळे शब्द प्रकार असतील तर ते आत्मसात करावेत, 

व त्या धर्माचे लोक भेटले की तसे शब्द वापरावेत.

जय श्रीकृष्ण,
जय योगेश्वर

मुसलमान धर्माप्रमाणे
सलाम वालेकुम,
वालेकुम अत् सलाम!

हरे कृष्णा मंदिरात
हाक मारायची असेल तर, फोनवर बोलतांना...
हरी बोल..
हरे कृष्णा, दंडवत प्रणाम!
अशी सुरूवात करतात
मस्तच ना
आपण हरी ॐ
असंही आपण बोलतांना ऐकतो.

अशा अनेक प्रकारांनी नमस्कार, कृतज्ञता व्यक्त केली जाते.