☞ नाटक सिनेमाला जाताना बरोबर बॅटरी ठेवावी.
☞ काहि खाऊ घेतला असेल तर तो सर्वाना पुरेल एवढा असेल तर वाटावा.
अन्यथा बाहेर काढू नये.
☞ देवळात जाताना काही ठिकाणी चपला ठेवण्याची सोय नसेल तर... उजवी चप्पल डाव्या ठिकाणी व डावी चप्पल उजव्या ठिकाणी ठेवावी.
किंवा थोड्या दूरवर दुसरी चप्पल ठेवावी.
☞ सुप्रसिद्ध मंदिरे.... जेथे खूप गर्दी असते तेथे जास्त पैसे देऊन दर्शन घेऊ नये..
अशी सवय आपणच लावतो आणि सगळ्यांना सांगतो...
पैसे जास्त घेऊन दर्शन मिळते.
☞ रस्त्याने चालताना उंच सखल असेल किंवा जिने उतरताना... एखादी पायरी तुटकी असेल तर मागून येणाऱ्याना तसे सांगावे.
☞ एखादे जनरल औषध असेल त्याने चांगला उपयोग झाला असेल तर त्याची नोंद करावी म्हणजे कोणाला सांगता येते.
☞
जुने पण चांगल्या स्थितीत असलेले कपडे कोणती संस्था घेत असेल किंवा काही
वस्तू बनवून देत असेल तर त्यांचा फोन नंबर पत्ता लिहून ठेवावा म्हणजे
कोणाला सांगता येईल.
☞ संग्रही असावी अशी पुस्तके बाईंडिंग करून मगच वापरावी.
☞ आपल्या कडे पुस्तके असतील आणि ती कोणाला वाचायला देत असू तर...
एक वही करावी त्यात पुस्तक कधी दिले आणि परत कधी आले याची नोंद ठेवावी.
☞ असेच इतर वस्तूंच्या देवाण घेवाण विषयी करता येईल.
☞ घरात अनेक वस्तू घेतो
त्याची गॅरंटी किंवा वारँटी असते ती बिले एकाच फाईल लावावी
☞ सगळ्यांच्या संपर्कात राहावे मीच का फोन करू किंवा नेहमी मीच का जाऊ
असे न म्हणता आपल्याला वेळ असेल तेव्हा आपण संपर्कात राहावे
☞ कोणाकडे जाण्यापूर्वी फोन करावा, जेवायला जाणार असू तर तसे सांगावे.
नुसत्याच गप्पा साठी जाणार असू तर तसे सांगावे.
☞ आजारी व्यक्तीला भेटायचे असेल तर... काहीतरी खाऊ असा न्यावा कि त्या घरातील व्यक्तींना पोटभर खाता येईल.
☞ कोणत्याही कार्यक्रमाचे आमंत्रण आले कि....
घरातील किती व्यक्ती येणार?? ते सांगावे...
उगाच लगेच सांगणे बरे दिसत नाही... म्हणून सावकाश कधीतरी सांगू...
असे करू नये.
☞ दिलेली वेळ जरूर पाळावी... कारण वेळ अनमोल आहे, गेलेली वेळ परत येत नाही.
☞ कोणाच्या घरी जेवायला जात असू तर अगदी आयत्या वेळी जाऊ नये
आधी गेले तर मदत करता येते.
☞ एखाद्या मैत्रिणीकडे कोणी जेवायला येणार असेल तर... आपल्याला जमेल तो पदार्थ करून द्यावा
☞ जवळपास ची व्यक्ती बाहेरून येणार असेल तर त्या कुटुंबाकरिता भाजीपाला किंवा दूध आणून ठेवावे
☞ गणपती, नवरात्र या सारखे सण... आपल्याकडे नाहीत आणि जवळच्या व्यक्तीकडे असेल तर...
अशी छोटी मदत सहज करू शकतो. ( न बोलता, गाजावाजा न करता मदत करता येईल )
☞ काही गोष्टी ....
☞ पेन, हे बाहेर पडताना घ्यायला विसरतो आणि ते हवे तर असते म आजूबाजूला कोणाकडे तरी मागावे लागते,
पेन हे हरवते ज्याला दिले तो द्यायला विसरतो आणि आपण मागायला.!
☞ रुमाल.! अती आवश्यक गोष्ट. आणि कुठेतरी राहून
जाते. म रुमाल हि विसरण्याचीच वस्तू आहे असे म्हटले जाते.
☞ छत्री... पावसाळ्यात हमखास विसरली जाणारी वस्तू....
म छत्री हि विसरण्यासाठीच असते असे म्हटले जाते.
☞ पैशाचे पाकीट, पर्स या वस्तू मारण्यासाठीच असतात.
काही वेळा गडबडीत हरवतात किंवा चोरी होते.
अशावेळी म्हणतात कि कुणाला आपल्या हाताने दिले असते तर आनंद झाला असता पण....
पण अस होत नाही.! अस उगाच कोणाला दहा रुपये देत नाही, देवासमोर ठेवताना सुद्धा एखादे नाणे ठेवतो पटकन ५०/१०० रुपये ठेवत नाहीत....
तर
मला काय वाटत कि, आपली वस्तू अशी हरवली, विसरली गेली तर हळहळ व्यक्त
करण्यापेक्षा ज्याला मिळाली त्याला वस्तू मिळाल्याचा आनंद घेऊ दे.
एखाद वेळेस खरंच आपल्या पेक्षा त्या व्यक्तीला त्याची गरज जास्त असू शकेल.
××××××××××××××××××
काही अशा गोष्टी... विसरल्या जातात, टाळल्या जातात.
कुठे कोणाकडे जायचे नसेल तर... oh त्यावेळेला मला वेळ नाही.
स्वतः साठी औषध आणायचं,
घरात काही दिवसांनी लागणारी वस्तू आधी आणू म्हटलं तर नेमकी ती वस्तू आणणे विसरले जाते.
कधीही या आमच्याकडे....... यात आग्रहाचे आमंत्रण असते किंवा बोलवायचे म्हणून म्हटले जाते.
बँक पासबुक, पेन, पाकीट, चाव्या, अशा वस्तू डाव्या उजव्या हाताने इकडे तिकडे कधीतरी ठेवल्या जातात.
::::::::::::::::::::::::::::::::::::::::
No comments:
Post a Comment