चिमूटभर आनंद
मैत्रिणीने काही कारणानिमित्त रांगोळी काढली...
आणि मला पाठवली.
सहज सुचले ते लिहिले...
☆□◇○☆□◇○☆□◇○☆□◇○
पंगतीत रांगोळी काढण्याचे पितळेचे नळकांडे आमच्याकडे होते.
असे आता म्युझिअम मध्ये मिळेल बघायला.!
आणि कदाचित प्लास्टिक चे मिळत असेल कुठेतरी.!
रांगोळी काढण्याची
पण आवड असावी लागते..!
करेन अशी जिद्द असावी लागते.
जमेल नक्की असा विश्वास हवा..
केल्याने होत आहे रे
आधी केलेची पाहिजे...
तू जर शिकायला आली नसतीस तर...
मी काही हात धरून शिकच असे केले नसते.
नंतर सुद्धा तुला मार्गदर्शन मिळाले ते हि उत्तम होते.
"तुझा हात कलाकाराचा आहे."
माणसाकडे चौफेर ज्ञान हवे.
कशात मागे राहू नये...
प्रयत्न केला कि येते.!!
पण वाटा फोडल्या कि न करण्यासाठी अनेक कारणे मिळतात...
मला वाटते तू रांगोळी काढत राहावीस...!
एक सुंदर कला आहे हि.!!
रांगोळी काढत राहिली कि
निरनिराळ्या कल्पना मिळतात.
म दुसरे काही वेगळे विचार येणार नाहीत...
रांगोळी.... वाईट घरात येत नाही.
(किडा मुंगी सुद्धा)
..............................
संकलन
फार पूर्वी पासून दारात रांगोळी घालण्याची पद्धत होती.
जेव्हा एखादी स्त्री सुंदरशी रांगोळी काढते, तेव्हा त्यामध्ये ती पूर्ण तल्लीन झालेली असते.
कला आणि एकाग्रता मिळून एक सुंदर कलाकृती तयार होते.
प्रत्येकालाच
रोजच्या दिवसात काहीतरी नाविन्य हवे असते, आपल्यातील आवड लक्षात घेऊन
व्यक्ती जेव्हा त्या आवडीला योग्य रूप देते तेव्हा त्या आवडीचं कलेत
रूपांतर होतं.
तुमच्यात असलेल्या अतिरिक्त ऊर्जेचा सकारात्मक उपयोग करायला शिका.!
येथपर्यंत... संकलन आहे
✧✧✧✧✧✧✧✧
रांगोळी...
रंगांची ओळ,
रंगावली,
भूमी अलंकरण....
अंगण सारवले कि
त्यावर रांगोळी काढण्याची पद्धत आहे..
त्याला
कणा घालणे असे म्हणतात..
पाटाखाली रांगोळी काढल्याशिवाय औक्षण केले जात नाही...
पांढरी रांगोळी कधी काढू नये.
त्यात हळद कुंकू ची चिमटी असते.!
शुभ चांगले म्हणून रांगोळी काढतात.
***************************
पूर्वी जेवणाच्या पंगती असत...
म रांगोळीचे नळकांडे असे
ते गाडीसारखे फिरवत म्हणजे पूर्ण पंगतीत
पटकन रांगोळी पट्टा काढला जाई...
~~~~~~~~~~~~~~~~~~~
रांगोळी रेखाटताना...
जेवढी बारीक रेघ तेवढी सुरेख रांगोळी.!
ठिपके काढून ते एकमेकांना जोडून होणारी रांगोळी.!
नंतर रंग भरायचे.
यात रांगोळीत रंग मिक्स करून
काढलेल्या रांगोळीत रंग भरतात.
अशा रंगोळीवर चमचम टाकली
कि ती रांगोळी अजून सुंदर दिसते.
✿✿✿✿✿✿✿✿✿✿
म संस्कार भारती रांगोळी आली.
जेवढी जाड रेघ तेवढी छान रांगोळी.!
यात आधी ठरवले जाते
रांगोळी कशी, किती मोठी काढायची.
म त्यात चाळणी, गाळणीच्या साहाय्याने
नुसतेच रंग भरले जातात.
म त्यावर रांगोळी काढली जाते.
एकदाच ठरवून रंग भरायचे ती दुरुस्त करणे कठीण.!
हि सहकार्याने काढली जाते,
पाच हि बोटे जुळवून काढतो ना.!
बोटाच्या पन्हाळीतून सोडायची रांगोळी, सलग एका धारेत.!
कितीही मोठी....
अगदी गालिचा अंथरला आहे असे वाटते.
♤♤♤♤♤♤♤♤♤♤
आता आली बोटाची किंवा एक मिनिट रांगोळी.!
कोणतेही साधन वापरून पटकन होणारी रांगोळी.!
(कोणतेही साधन न वापरता फक्त बोटांनी सुद्धा काढता येते )
यात रंग मिश्रित रांगोळी चा वापर केला जातो.
पटकन होणारी, पाहिजे तेवढी मोठी काढता येणारी रांगोळी...
नजरेत भरली जाणारी रांगोळी.!
अगदी छोट्या जागेत सुद्धा काढता येते.!
काच, टाइल्स असेल तर उत्तम.!
✽ ✽ ✽ ✽ ✽ ✽ ✽ ✽ ✽ ✽
काहीजण देखावे, व्यक्ती असे काहीही फार सुंदर काढतात.
त्यासाठी तासन् तास काम करावे लागते....
चिकाटी असावी लागते.
याची प्रदर्शने असतात.
यातील एक ....
शिव राज्याभिषेक.! फारच सुंदर काढले जाते.
(म्हणजे सगळीच चित्रं सुरेख असतात)
--☉☉---☉☉---☉☉---
तांदूळ पीठ कालवून रांगोळी काढली जाते.
चुना वापरून रांगोळी काढता येते...
तेलावर, पाण्यावर रांगोळी काढली जाते.
आता तर तयार रांगोळ्या घरी करता येतात.
आरसे मणी टिकल्या लावून रांगोळ्या तयार केल्या जातात.
(
अशा रांगोळ्या दिसतात सुरेख, कायमस्वरूपी,
आणि हो... जमिनीवरून उचलणे
सोपे,
ती फिस्करण्याचे कारण नाही,
उचलून परत खोक्यात, पिशवीत भरून
ठेवायच्या,
जमीन खराब होत नाही )
❀ ❀ ❀❀ ❀ ❀❀ ❀ ❀
फुलांच्या रांगोळ्या,
ओटी सामान वापरून, चहा तयार करण्याचे साहित्य वापरून,
केळफुल वापरून,
फणस साहित्य वापरून, फळं वापरून,
भाजा वापरून,
रंगीबेरंगी रीळ वापरून चमचे, ग्लास, कप वापरून.
बांगडया, टिकल्या वापरून
असे कोणतेही साहित्य वापरून
सुंदर रांगोळ्या कल्पकतेने काढल्या जातात.
पण असे असले तरी परंपरागत रांगोळी पटकन काढली जाते..
❀ ❀ ❀❀ ❀ ❀❀ ❀ ❀
रांगोळी:-
रांगोळी म्हणजे ...
❀ ❀ ❀❀ ❀ ❀❀ ❀ ❀
भूमी-अलंकरण;
मांगल्याचे प्रतिक,
पावित्र्याचे प्रास्ताविक
आणि प्रसन्न्तेची खूण…
☆☆☆☆☆☆☆☆☆☆
ऐतिहासिक काळापासून
रांगोळीचे अस्तित्व दिसते
संस्कृतीच्या विकासाचे प्रतिबिंबही
रांगोळीत पडल्याचे प्रत्ययास येते.
卐卐卐卐卐卐卐卐卐卐
काढलेली रांगोळी फिस्कारली जाणार हे माहित असले तरी....
सुंदर रांगोळी काढली जाते,
रांगोळी फिस्कारली तर
ते घर नांदते आहे याचे लक्षण आहे.
------------------------------
माझी एक मैत्रीण रोज एक रांगोळी काढते
आणि सुप्रभात म्हणून ती पाठवते.
म तिला तिच्या मैत्रिणींनी सांगितले कि तू क्लास घे
म मी तिला म्हटले..
हो अगं नक्की घे क्लास.!
हि एक मिनिट रांगोळी..!
नोकरी करणाऱ्यांना काढता येईल.
रंग रांगोळीची किमया
विचाराला देईल छान दिशा.!
मनात नवनिर्मिती करायचा विचार असेल.!!
सर्वांचे अंगण/ उंबरठा असा सुंदर होईल.
सातत्य महत्त्वाचे...!!
एक रांगोळी काढलेली तुला स्वतःला आनंद देते
आणि इतरांनाही....
आणि हा आनंद इतरांना हि
त्या रांगोळी रुपाने इतरांना हि त्या वाटतील.
आणि सुप्रभात स्वनिर्मित रांगोळीने होईल.
हि एक मिनिट रांगोळी काढण्यासाठी टाइल्स असेल तर उत्तम.!!!
एखादी नवी आणून
जरा टेबल स्टूल वर ठेऊन
उभ्या उभ्या सुद्धा काढता येईल...
मदतीला you tube असतेच.
पण काढत गेले कि सुचत जाते...
आपणच केलेली निर्मिती आनंददायी.!
आपलाच एक अल्बम तयार होईल.!!
No comments:
Post a Comment