आता ह्या शुभेच्छा राहिल्या होत्या.

शुभेच्छा.!!

आता ह्या शुभेच्छा राहिल्या होत्या.

ऊन्हा-तान्हाच्या हार्दीक शुभेच्छा

आपला दिवस सावलीत जावो!

ए सी मध्ये असेल तर....

अजून काय हवे...

आहेतच अच्छे दिन.!!

यावर मैत्रीण म्हणाली:

 घरातून बाहेर पडल्यावर ही AC हवे तर  आता पासूनच खूप कष्ट घ्यायला हवेत भरपूर झाडं लावून, जगवून वाढवायला हवी. पुढच्या पिढीला तरी "गारवा" मिळो.!!

मी:  हो ना...

अगदी झाडे लावली नाहीत तरी आहेत त्या झाडांना पाणी घातले... खत घातले तरी.....

 अशी अनेक फुलझाडे, ज्याची फुले...

 ना डोक्यात, ना देवाच्या पायाशी,

 ना फ्लॉवर पॉट मध्ये...

पण नेत्रसुख, भरपूर सावली देणारे,

 आपल्याकडे हि झाडे पाणी मागत नाहीत.

पाऊस पडेल तेव्हा हि झाडे भरपूर पित असतील पाणी....

अशी झाडे सध्या नजरेत येतात..

लॅबर्नम, गुलमोहोर

हे तर जमिनीवर गालिचा अंथरतात... 

पिवळा लाल रंगाचा....

 Pink Tabebuia tree..

 हा वृक्ष तर ... आपल्यावर सतत फुलांचा वर्षाव करत असतो.

नैसर्गिक पुष्प वृष्टी.!!

अर्थात गुलाबी गालिचा जमिनीवर अंथरला जातो.

आता अशी  झाडे दळवी हॉस्पिटल जवळ ओळीने पाच सहा आहेत.

आणि स्टर्लिंग जवळ..

मला वाटतं मी फेब्रुवारी मध्ये गेले होते तेव्हा झाडाला अजिबात पाने नव्हती, होती हलक्या गुलाबी रंगांची फुलं.!

असे वृक्ष लावावेत... कि नेत्रसुख मिळेल...

बघ बाहेर पडलो तर... लॅबर्नम...

 छान मोठे डेरेदार वृक्ष, पिवळे सोन्याचे माणि भासतात फुले म्हणजे..

 रस्त्याच्या कडेने झाडे

बहावा... औषधी, नेत्रसुख लाकूड पण उपयोगी

गुलमोहोर,  लाल, केशरी फुले

आणि एक झाड माहित नाही नाव

अगदी वर गुलाबी नाजूक फुले

आणि आकार नैसर्गिक छत्री... भरागच्चं

केनेडी ब्रिज सेंट कोलंबा शाळा अगदी ओळीने आहेत हे वृक्ष

आणि जिकडे तिकडे दिसतात.... कोणत्याही ब्रिज वर आपली गाडी असेल तर हि गुलाबी फुले लक्ष वेधून घेतात. आणि झाडाचा आकार अगदी छत्री....

बोगनवेल... याचा वेल जर एखाद्या वृक्षावर चढला तर...

 त्या वृक्षाचीच फुले कि काय असे वाटते.! 

पिंपळ ... 

कोवळी नाजूक तांबूस पाने आपले लक्ष वेधून घेतात. आणि रोज जाण्या येण्याच्या मार्गावर पिंपळ असेल तर... पानांचा बदलत जाणारे रंग, आकार , याचे उपयोग, पाने वाळली कि त्यांची सळसळ... धीरगंभीरपणे  तटस्थपणे उभा असलेला वृक्ष, याच्या मुळाशी विष्णूचा वास असतो म्हणतात, मारुतीचे मंदिर असते .... 

 अगं मला काय वाटते हे आहेत नैसर्गिक फ्लॉवर पॉट...

अगदी सगळ्यांसाठी....

आपल्या घरात असतात ते फक्त आपल्यासाठी आपल्याकडे येणाऱ्या साठी.... 

या फुलझाडांची मजा घ्यायची ती उन्हाळ्यात.!!! 

उन्हाळा सुसह्य करतात हि फुले.... 

एरव्ही हे वृक्ष नुसतीच पाने असतात...

 रस्त्याच्या कडेने ओळीने उभे असतात... 

सावली देतात.... आणि कधी फुले आली ती...

 लोकांना कळते का... बघतात तरी का मान वर करून?

 कि फुलंणे बहरणे हळूहळू रिते होणे,

 रस्त्यावर सडा, गालिचा अंथरणे, 

आणि शेवटी कचरा होणे....

 हेच या फुलांच्या नशिबी असते...

जी फुले देवाला वाहिली जातात त्यांचे शेवटी निर्माल्य होते.... 

आणि हि सुंदर फुलं शेवटी कचरा.!!!!