केळी....

आज भरदुपारी बाहेर गेले होते.

 गेट बाहेर रस्त्याचे काम सुरु आहे.

 सर्वच कामगार थोडी विश्रांती घ्यायला थांबले असावेत,

 त्यांच्या हातात केळे, 

प्रत्येक जण केळे खात होता...

मनात विचार येऊ लागले

गरिबांचे खाणे... 

परवडेल असे, 

बाराही महिने मिळते.... 

खाताच थकवा घालवण्याचे सामर्थ्य या छोट्या दिसणाऱ्या फळात आहे...

वजन वाढीसाठी उपयुक्त.!

कोणतीही प्रक्रिया न करता खाता येते ना....

*******************

याचे प्रकार तरी किती???

भाजीची केळी.. हिरवी थोडी बुटकी.. 

वेलची केळी,

आंबट वेलची थोडी मोठी असतात.

हिरव्या सालीची, 

लाल सालीची, 

गोल्डन केळी

राजेळी केळी... याचा हलवा छान होतो.

राजेळी ची पुढे सुकेळी करतात...

^^^^^^^^^^^^^^^^^^^^

केळीचे पीठ करतात

यापासून घावन भजी केली जातात

वर्षभर हे पीठ टिकते.. उपवासाला चालते.

गावाकडे विहिरीजवळ झाड असे.! 

म्हणजे पाणी जास्त लागत असेल!!

केळीचे फुलं, केळफुल.! 

याची भाजी सुंदर होते.

आजतर या फुलाची सुंदर रांगोळी काढली आहे कुणी.!

*******************

शुभकार्याच्या वेळी

घराला केळफूल असलेले खांब बांधतात...

:D:D:D:D:D:D:D:D:D:

''''चार बाजूला 

चार पायीला 

केळीचे खांब

चौरंगावरी मध्ये 

बैसले सत्यनारायण''''

कोणतीही पूजा असेल तर केळीचे खांब बांधून तो सजवतात.

<><><><><><><><>

आता प्लास्टिक बंदी येत आहे...

 तर केळीच्या बुंध्यापसून,

 किंवा खोडापासून मशीन ने

 वाट्या, ताटल्या, डाव, चमचे

 अशा वापरा आणि फेका अशा वस्तू बनवल्या जातात.

<><><><><><><><><>

केळीचे पान जेवणासाठी उत्तम असते...

<<<<<<<<<<<<<<<<<

बिन फांद्यांचे झाड म्हणजे केळी

>>>>>>>>>>>>>>>>

या झाडापासून डेकोरेशन मस्त होते, 

बहुतेक ठिकाणी सत्यनारायण पूजेसाठी मंदिर करतात.

*******************

लहानपणी एक कविता वाचलेली आठवते..

 पूर्ण नाही , थोडी

आंब्याची आमराई आजोळी असावी

आढी असलेल्या खोलीत स्वारी आमुची बसावी

केळीची बाग असावी

 मावशीच्या दारात

 शाळेत येता जाता 

चार चार दप्तरात...

अशा गाण्यातून लहानपणी  केळीचे महत्त्व सांगितले गेले.

*******************

केळ्यापासून किती पदार्थ

शिकरण... दुधातून किंवा नारळाच्या दुधातील..

केळीचा पाक

केळीच्या पुऱ्या

(बनाना बन)

बनाना केक

केळ्याचे तऱ्हेतऱ्हेचे वेफर्स...

आणि हो... सत्यनारायण प्रसाद... केळी घालूनच करतात.

अनेक लोक प्रसाद म्हणून देवासमोर केळी ठेवतात.

बनाना मिल्क शेक.!!

केळे पोळी सुद्धा अनेक जण आवडीने खातात

केळ्याची दही घालून कोशिंबीर??? 

छान होते

तसेच.. केळी+टोमॅटो

दही घालून कोशिंबीर छान होते..

काहीजण उंधियु मध्ये छोटी वेलची अख्खी केळी घालतात...

::::::::::::::::::::::::::::::::::::

केळी, स्वास्थ्यासाठी उत्तम.! 

ऍसिडिटी झाली तर वेलची केळे खावे

थंडावा मिळतो.

___________________

वनवासाला केळे

उपवासाला रताळे

असे काहीसे म्हटले आहे.

【】【】【】【】【】【】

एक डझन केळी... असे म्हटले तरी घडात १३ केळी असतात बहुतेक.!

【】【】【】【】【】【】

 केळे, केळी केळं असे म्हणतात

केळ असे म्हणत नाहीत

===============

प्रत्येक केळ्यात ८९ कॅलरी असतात.

===============

बहुतेक पहिलवान लोक केळी खातात 

~~~~~~~~~~~~

माकडे... आनंदाने केळी खातात

 पण केळीच्या बागेची नासधूस करतात.

•••••••••••••••••••••••••

हत्ती जसे ऊस आवडीने खातो तशी केळी खातो.

(एकदा मी हत्तीला केळ्याचा घड दिला आहे)

::::::::::::::::::::::::::::::::::::

कोठली केळी प्रसिद्ध

जळगाव, वसई

::::::::::::::::::::::::::::::::::::