पहिला पाऊस...
आला आला पाऊस आला
बघा बघा हो पाऊस आला
आताच अगदी बारीक पाऊस पडून गेला...
मॅच बघत होतो म पाऊस बघितला नाही.
(भारत पाकिस्तान)
पण...
मूठभर तिखट जाड शेव आणि
मस्त गरम कॉफी ...
आणि सोबत पाऊस
वाह क्या बात है.!
असा अनुभव गोव्याला जाताना
अंबा घाट संपल्यावर घेतला होता.
आमचा पूर्ण कुटुंब,
आणि सुंदर अशी चहा कॉफी करून देणारे...
एक कुटुंब.. ज्यांचे स्वतःचे दुकान आहे.
आणि सोबत चहा कॉफी करून देतात.
आणि विशेष म्हणजे शिकलेली सून आणि
संपूर्ण दागिने घातलेली सासू आणि
स्वतः चहा देणारे सासरे....
आणि सुंदर अशा कपबशी मधून चहा कॉफी..
(हल्ली चहा थर्माकोल ग्लास, किंवा प्लास्टिक, काचेचे किंवा कागदी ग्लास मधून देतात)
अंबा घाट आणि तेथील आठवणी.!
खरतर कांदा भजी चहा आणि पाऊस हे समीकरण
पण मॅच बघत होते आणि अंबा घाट येथील आठवण....!
मुंबईत राहतो तरी मातीचा सुगंध घेता येतोय...
दारी पाऊस पडतो
राणी पारवा भिजतो
आला ग सुगंध मातीचा
कुंडीतील माती आणि
कुठे डांबरी रस्ता नाही तेथे असलेली माती
यावर पडलेले पावसाचे थेंब.!
******************************
✽ आता पावसाळी लिली फुलेल..
हि छान छोटी गडद गुलाबी रंगाची छोटी फुले
✽ उन्हाळी लिली केशरी आणि मोठी असतात फुले...
✽ आषाढ़, श्रावण मध्ये ब्रह्मकमळ फुलते.!
❁❁❁❁❁❁❁❁❁❁❁❁
पाऊस पडू लागला कि सृष्टी सौंदर्य....
सगळे स्वच्छ होते झाडे सुस्नात होऊन मस्त दिसतात...
पानावर पावसाचे थेंब ....
जणू काही मोतीच !!!
डांबरी रस्ते धुतले जातात आणि त्यात सुंदर प्रतिबिंब दिसते,
अगदी सकाळच्या वेळी.
तसे मारिन ड्राईव्हला मैदानात पाणी साचले तर
माडाच्या झाडाची प्रतिबिंबे सुंदर दिसतात...
पावसाळा आवडता ऋतू.!
तसे प्रत्येक ऋतूचे वेगळे वैशिष्ट्य.!!!!
पण पावसाळा... नवनिर्मिती, वेगळे कपडे... सुंदर रेनकोट्स..
पावसाचा अंदाज घ्यायचा आणि बाहेर पडायचे...
छत्री नाही घेतली तर पाऊस पडतो असा अनुभव.
आणि छत्री हि हरवण्यासाठीच असते.
(खरतर कुणाला तरी ती सापडते)
वर्षा सहल, ट्रेकिंग... धबधबे...
नव्या गर्दी नसलेल्या ठिकाणी जायचे...
ʕʔ ʕʔ ʕʔ ʕʔ ʕʔ ʕʔ ʕʔ
पाऊस...
उन्हाळा आणि रोजच आमरस.!
पण खरा पाऊस सुरु झाला कि आंबे बंद करणार खायचे...
म्हणजे हापूस पायरी...
पण दशहेरी, केशर, तोतापुरी असे वेगवेगळे आंबे येतात ते खायचे अधून मधून.!
पहिला पाऊस
मी भिजतेच.!
अगदी सुरुवातीच्या पावसात.
पण... आषाढात नाही भिजत
तो पाऊस आजारपण देतो.
असं म्हणतात
श्रावणात पण अधून मधून पडणारा पाऊस मस्त वाटतो.
श्रावण मासी हर्ष मानसी हिरवळ दाटे चोहीकडे...
म अशी धरित्री मखमल अंथरलेली बघायला...
* धबधबे बघायला कर्जत बदलापूर नेरळ माथेरान येथे एक दिवसाची वर्षा सहल...
* अमावस्या अष्टमी अशा तिथींना पाऊस पडतो साधारण.
तेव्हा जायचे..
* समुद्राची मोठी भरती... बघायला जायचे...
आणि धो धो पाऊस कोसळत असेल तर
* समुद्र किनारी जाण्याची मज्जा अनुभवायची,
* भाजलेले आयते कणीस खायचे.
येता येता
* एखाद्या हॉटेल मध्ये शिरून कांदा भजी आणि गरम गरम चहा कॉफी प्यायची.!
* कुणी केलेल्या कविता चारोळ्या वाचायच्या.
आणि
* वाडीतच थोड्या साठलेल्या पाण्यात कोणी लहान मुलासोबत होडी सोडायची.
हो....
पावसाळा....
म येणारे सण....
आनंदी उत्साही वातावरण...
> पावसात
जरीची साडी नेसली कि जर चुरगळते म्हणत म्हणत सणावारा निमित्ताने जरीच्या
साडया नेसायच्या...
> नेवैद्य म्हणून गोडधोड पदार्थ करायचे,
स्त्री च्या
कलागुणांना वाव.... श्रावण भाद्रपद...
> मंगळागौरी खेळ खेळायचे...
> झाडांना
झोके बांधायचे आणि झोके घ्यायचे....
> नागाची पूजा... म्हणून..
वारूळ शोधून नागोबाची पूजा करायची...
> सवाष्ण बोलवायची.. ती शक्यतो माहेरवाशीण.!
No comments:
Post a Comment