शंभो... ओम नमः शिवाय।
शिव हर शंकर नमामि शंकर
शिव शंकर शंभो
हे गिरिजा पती भवानी शंकर
शिव शंकर शंभो.!
एक व्हिडिओ आला आणि तो व्हिडिओ बघताना...
आज मला आठवण झाली ती आमच्या अण्णांनी केलेल्या सोळा सोमवार व्रताची....
आम्ही खूपच लहान होतो.
अण्णा बदलीच्या गावी म्हणजे महाड येथे होते.
पण स्वतःच्या घरी.
येथेच जन्म आणि सोळाव्या वर्षापर्यंत लहानाचे मोठे झाले होते.
तर...
ते तिकडे आपली एस.टी मधील नोकरी सांभाळून हे कडक व्रत करत होते. सगळे
एकटेच मॅनेज करायचे.. हे खरतरं व्रताच्या दृष्टीने खूपच महत्वाचे आहे.
सोमवार कसा करायचा?
खडीसाखर...
म्हणजे दिवसभर व्रतस्थ संध्याकाळी स्नान संध्या देवपूजा करून तेथील
विरेश्वर दर्शन तिन्हीसांजेला जाऊन घ्यायचे. नेवैद्य खडीसाखरेचा दाखवायचा.
त्याचे तीन भाग करायचे, एक भाग देवळात ठेवायचा, एक भाग वाटायचा आणि एक भाग
स्वतः ग्रहण करायचा.
असे सोळा सोमवार केले
सतराव्या सोमवारी उद्यापन.!
यासाठी आम्ही सगळे महाडला गेलो होतो.
आमचे मूळ मोठे घर तेथे असल्याने,
या मोठ्या घरी मोठे काका त्यांच्या मोठ्या कुटुंबासह, आणि माझी आज्जी .. अण्णांची आई असे राहत.
पण वडील मात्र समोर असलेल्या दोन रूम मध्ये राहत. सर्व भावंडांमध्ये अण्णा लहान होते.
हे घर सुद्धा त्यांचेच होते.
तर मी लहान असले तरी या उद्यापनाची खूप छान आठवण आहे.
आईने इकडून खूप तयारी केली होती आमचे पांढरे शुभ्र सुंदर कपडे...
आणि तिकडे गेल्यावर खूप काम भरपूर नातेवाईक... सगळे कामात व्यस्त असत.
आम्ही मुले खेळत असू.
☆☆☆☆☆☆☆☆☆☆☆☆☆☆☆
तर यादिवशी देवघरातील कोनाड्यात
एक नागाचे पिलू दिसले..
कोणी मारू
म्हणत होते.
पण अण्णा म्हणाले कि आज शंकर या रुपात दर्शन देत आहेत.
मारू
नका, आल्या वाटेने ते जाईल...
सगळ्यांची ते पिलू बघण्यासाठी गर्दी झाली.
काही वेळाने ते निघून गेले...
संध्याकाळी आम्ही सगळे पांढरे कपडे परिधान करून विरेश्वर मंदिरात गेलो.
जसे शंकराचे मंदिर असते तसेच मंदिर... तळ्याकाठी... अण्णांनी शंकराची पूजा केली.
आणि नंतर पुढील सोहळा सुंदर झाला.
आजही तो माझ्या स्मरणात जसाच्या तसा आहे. माझी आई इतकी सुंदर दिसत होती....
अण्णांना दोन बहिणी आणि चार भाऊ...
सगळे आपल्या कुटुंबासह आले होते
आणि माझे दोन्ही मामा मावशी... आईची आई, माझी आज्जी,
अण्णांचे तेथील मित्र त्यांच्या कुटुंबियांसह असा खूप मोठा सोहळा...
जसे मोठ्ठे घर,
तसेच खूप सारे नातेवाईक
आणि तसेच मोठ्ठे व्रत.!
आज यावर सहज लिहिले गेले.
आज सोमवार, वेळ तिन्ही सांजेची,
व्हिडिओ मधील
शंकर पिंडीवरील नागोबा बघितले
आणि लिहिले गेले...
सगळेच जुळून आले.
****************************
अशाच सोळासोमवार व्रत उद्यापन ...
मी गेले आहे
अगदी घरातील ते... ओळखीतल्या लोकांकडे...
आणि जे लहानपणी केले गेले नाही अशी कामे करण्याची संधी पण मिळाली
माझ्या मावस सासूबाई, शेजारी
आणि एके ठिकाणी, सुप्रसिद्ध गायिका होत्या त्यांच्या कडे जाण्याचा योग आला....
आता इतके हे व्रत केले जात नाही....
कारण ते खूप कडक व्रत आहे.
******************************
हे व्रत श्रावणातील पहिल्या सोमवार पासून करतात.
कथा पुस्तकात वाचायला मिळेल...
सोळा सोमवार ...
याचा प्रसाद गाकर करून त्याचे लाडू...
चुर्मा लाडू...
म्हणून त्याबद्दल काहीच लिहिले नाही.
◇◇◇◇◇◇◇◇◇◇◇◇◇◇◇◇◇◇
