बसणे.....

एके ठिकाणी गेले होते

तेथे एक बाई म्हणाल्या....

गेल्या पंधरा वर्षात मी खाली बसले नाही.!

मनात विचार आला....

किती प्रकारे आपण बसतो???

★मांडी घालून बसणे.

★बहुतेक स्त्रिया जेवताना एक पाय गुढघ्यात वाकवून दुसरा पाय जमिनी समांतर ठेवतात.
★जेवताना पूर्वी पाटावर बसून जेवत असत.
★आणि थाटामाटाने जेवणे म्हणजे चौरंगावर ताट ठेवून पाटावर बसून जेवणे.
(आता खुर्ची टेबल काटे चमचे यासह जेवण म्हणजे थाटमाट)

★काही जण मांडी थोडी वेगळी ठेवून बसतात.
म्हणजे...डावी मांडी खाली आणि उजवी मांडी वर. असे बसतात.
(यात उजवे पाऊल दिसते
सुखासनात बसून कोणतेच पाऊल दिसत नाही.)

★उकिडवे बसणे.... पाणी पिण्यासाठी असे बसावे असे म्हणतात.

★पद्मासन घालून बसणे.

(ध्यान करणे, जप करणे)

★जेवण झाले कि वज्रासनात बसणे,

«»«»«»«»«»«»«»«»«»«»«»«»«»«»«

★खेळ...

*खो खो खेळताना...

 एक पाय उभा आणि एक पाय गुढघ्यात पाउल उंच करून त्यावर बसतो.

* कांदा फोडी या खेळात वेगळे बसले जाते

* सागरगोटे खेळताना... विशिष्ट पद्धतीने बसतात.

★ घरातील काम करताना...

* विळीवर बसून भाजी चिरणे

* जात्यावर बसून दळताना..

मंगळागौरीचे खेळ...

गाठोडे घालताना बसण्याची पद्धत.

खाली बसल्यावर मांडी अशी घालतात कि पाऊले एकमेकांना जुळवून बसवणे.

* आक्का बाईचा कोंबडा.!

()()()()()()()()()()()()()()()()()()()()

★फतकल मारून बसणे.

★अंग चोरून बसणे

★ऐसपैस बसणे.

*********************************
★जमीनिवर पाय पसरून बसणे.(पाय लांब करून बसणे)
★नुकतीच मुलं बसू लागली कि छान बाळकृष्णाची पोझ घेऊन बसतात.

★काल एक व्हिडिओ आला होता त्यात गायीच्या दुधाची धार काढताना....
तो मुलगा उकिडवा असा बसला होता कि पाउलावर बसून दोन्ही गुढघ्याच्या मध्ये चरवी धरली होती.

● गजानन महाराज जसे बसतात तसे बसणे

★आता खुर्चीत बसले जाते.

★साईबाबा बसतात तसे बसणे

खुर्चीवर बसतात मांडी घालून.!

★रेल्वे जर रिकामी असेल तर....

पाय पसरून (पाय लांब करून बसतात.)
:::::::::::::::::::::::::::::::::::::::::::::::::::::::::

नंतर काही आलेले विचार....

काही क्रिया विस्मरणात जातात.
नेहमी करत नाही,
त्यामुळे येत नसतील असं वाटतं.

जस पळणे....
जरासुद्धा आपण धावत नाही....
म धावता येत नाही.
विळीवर बसता येत नाही.!
खाली बसता येत नाही.
कुठेही गेलो कि बसण्यासाठी खुर्ची बाक असे साधन असेल तर पटकन बसतो.
(म अस म्हणतो कि कित्ती वेळ पाय अधांतरी राहतात/ लोंबकळतआहेत).

भारतीय बैठक,

भारतीय टॉयलेट,

आता इतिहास जमा होतील बहुतेक!!!

उकिडवे बसणे विस्मरणात जाईल.

~~~~~~~~~~~~~~~~~~~~

आता एक व्यायाम प्रकार म्हणून या गोष्टींकडे बघितले जाईल

उकिडवे बसणे
कपडे वाळत घालणे
मांडी घालून बसणे...
इ.

जस फार फार पूवीं

पद्मासनात बसून ध्यान करीत. 

आता साधी मांडी घालून ध्यान लावा

अस सांगतात.

*******************************