मराठी भाषा दिन....

ज्येष्ठ साहित्यिक, कवी, लेखक, नाटककार... वि.वा.शिरवाडकर यांचा जन्मदिवस...
मराठी भाषा दिन म्हणून साजरा केला जातो.
यांना मराठी साहित्याचा १९८९ या वर्षी ज्ञानपीठ पुरस्कार मिळाला आहे.

۞ ۞ ۞ ۞ ۞ ۞ ۞ ۞ ۞

मायभाषा...

मला वाटतं मराठी बोली भाषा.... शिकायला बोलायला अगदी सोपी आहे. 

 इतर भाषिक ती सहज बोलू शकतात. हे तिचं वैशिष्ट्य आहे.

 बोलतांना व्याकरण हा भाग जमला नाही तरी चालतो.
दर पाचसात मैलांवर थोडी थोडी भाषा बदलत जाते.
तरी सर्वसाधारण ती समजते.

या भाषेला मस्त गोडवा आहे.

इतर भाषिक मराठी बोलू लागले की लगेच कळतं की हे मराठी नाहीत.
मराठी बोलणारा महाराष्ट्रातील कोणत्याही भागातला असला तरी त्याचं बोलणं मस्त वाटतं.
सातारा, कोल्हापुर, वऱ्हाडी
कोकणातली, मराठवाडा, नागपुर....

आपल्या मराठीचं महत्त्व केव्हा कळतं???

माहिती आहे???
आपण महाराष्ट्र सोडून इतर प्रांतात जातो तेव्हा कानावर

 आपले... मराठी शब्द ऐकतो आणि चटकन वळून बघतो... कोण बरं बोलतंय मराठी???
म ओळखदेख नसतांना सुद्धा आपला थोडा तरी संवाद होतो.

आपले मराठी बांधव सर्वदूर पसरले आहेत, जिकडे तिकडे मराठी मंडळं आहेत.
छान आपले सणवार साजरे होतात. ऐकून सुध्दा छान वाटतं.

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

भाषा बदलत जाते, नवे नवे शब्द येतात, साहित्य वाढत जातं आणि 

 जुने लिखाण समजायला जड वाटतं.!
हळूहळू झालेला  बदल … आपण स्वीकारतो 

आताचं मराठी हे इंग्रजी शब्द मिश्रित होऊ लागलंय.!

याला मिंग्लिश म्हणायचं का?

मराठी म्हणणं टाईप करतांना इंग्रजी अक्षरांचा आधार घेऊन संभाषण करायचं...

Kase aahat sagle?

आणि मराठी टाईप करायचं पण.... इंग्रजी शब्द घ्यायचे...
आताच बघा ना... टाईप!
आहे ना मराठी शब्द.. टंकलेखन.
पण टाईप हा आपला सहज मराठीत येऊन बसला आहे

 जसा की मराठीच शब्द.. वाटावा
असो....
मी मराठी, मला अभिमान आहे मराठीचा... असं जरी असलं तरी

*इतर भाषांचा मान ठेवायलाच हवा.

आपल्या आजुबाजुचे प्रांत आहेत तेथील भाषा कामापुरेशा बोलता यायला हव्यात.
इतर भाषांमधील चांगले शब्द आणि महत्त्वाचं शिव्या माहिती असायला हव्यात
जर आपल्याला कोणी शिवी दिली तर ती आपल्याला कळली पाहिजे.... असं मला वाटतं.!
☆ ☆ ☆☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆

इंग्रजी तर उत्तमच यायला हवी..... ती आज ज्ञानभाषा, शिक्षणाची भाषा आहे.
गुजराथी ही व्यापाराची भाषा आहे असं मला वाटतं
(निदान मुंबईत तरी)
जे मराठी माध्यमातून शिकतात त्यांना वाटतं...
आपलं थोडं नुकसान झालं!!
इंग्रजी माध्यमातून शिकतात,

  पण पुढे जाऊन मराठी भाषेचा अभ्यास केल्यावर त्यांना वाटतं... 

मराठी माध्यम असतं तर बरं झालं असतं....

❀ ❀ ❀❀ ❀ ❀❀ ❀ ❀❀ ❀ ❀❀ ❀ ❀❀ ❀ ❀

मोठे मोठे लोक जेव्हा म्हणतात की मुलांना मराठी माध्यमातून शिकवा...
पण यांची मुलं, नातवंड मात्र इंग्रजी माध्यमातून शिकतात.
तेव्हा लोक कसा विश्वास ठेवणार त्यांच्या विधानावर?

म मराठी माध्यमाच्या शाळांना गळती लागते.

 हळूहळू शाळा बंद पडू लागतात. म तो चिंतेचा विषय वाटू लागतो.

❀ ❀ ❀❀ ❀ ❀❀ ❀ ❀❀ ❀ ❀❀ ❀ ❀❀ ❀ ❀

मराठी माणूस कष्टाळु आहे ही जशी त्याची चांगली ओळख आहे 

तशी...
जो हजर नसेल त्याच्याबद्दल बोलणारा....
भाऊबंदकी, वारसाहक्क मागणारा.....
जर कुणी पुढे जात असेल तर त्याचे पाय खेचणारा... ही त्याची ओळख आहे
असं गमतीत म्हटलं जातं

आपण मराठी लोकच मराठी प्रांतात प्रथम हिंदीतून प्रश्न विचारतो... हो ना!

*********************************************************************
शेवटी काय तर आपण आपल्या मातृभाषेतून आपलं म्हणणं अधिक चांगलं मांडू शकतो हे खरं.
*********************************************************************
पण यातून एक छान आहे की स्मितहास्य, हास्याची जगाची एकच भाषा आहे.
.ツ.....ツ.....ツ.... .ツ.....ツ.....ツ.....ツ.... .ツ.....ツ.....ツ.....ツ.... .ツ.....ツ.....ツ.....ツ.... .ツ....