उन्हाळा....
वैशाख वणवा.!
दिवस मोठा मोठा होत जातो आणि रात्री लहान होत जाते.
सूर्यदेव जणू कोपतात असेच वाटते, धरणी माता... बिच्चारी होते.
लोकांचे सुद्धा... किती उन्हाळा?
गरम होतंय, काय हा उकाडा???
असे बोलणे ऐकू येते.
पण निसर्ग...
अगदी सगळ्याची लयलूट करत असतो....
पण या उन्हाच्या तलखीने तिकडे लक्ष असते का आपले???
फळा फुलांची लयलूट...
फळाच्या राजाचे आगमन.!
आंबा.!!! किती प्रकारचे आंबे येतात...
कितीतरी प्रकार करता येतात आंब्याचे.
रोज रस खाणारे लोक... भाजी नसली तरी चालेल रस मात्र रोज हवा.!
मधुमेही तर... जास्त चालेन पण आंबा हवा.!
आणि इतर फळे तर वाह.!
(आणि हो हि सगळी मज्जा अनुभवता येते भर मुंबईत...
आधुनिक कोकणात. सुंदर असा लाभलेला समुद्र किनारा)
नैसर्गिक रित्या पाणी मिळते फळातून.!
कलिंगड, खरबूज/ टरबूज, ताडगोळे,
जांभूळ, करवंदे, जाम, लिची, चिंचा, बोरे, आवळे, फणस,.... नेहमी मिळणारे नारळ पाणी,
जांभूळ, करवंदे, जाम, लिची, चिंचा, बोरे, आवळे, फणस,.... नेहमी मिळणारे नारळ पाणी,
सरबते- कोकम, आवळा, लिंबू, पन्हे,
रसाचा राजा... उसाचा रस ताजा.!
ताक, लस्सी,
फळांचे रस ..
~~~~~~~~~~~~
किती सुंदर वर्णन केले आहे कुणी या फळांचे..
~~~~~~~~~~~~~
ऋतूंप्रमाणे रोज नव्याने
हाक मारती आम्हा फळे,
आम्ही धावतो भलत्यापाठी
सात्विक खाणे का न कळे ?
टरबूज म्हणतो आलो मित्रा
घे माझा तू भरपूर स्वाद,
नकोच खाऊ काही बाही
नकोस भलता करूस नाद.
रोज शहाळे हाका मारी
अमृत त्याच्या पोटाशी,
गाढ तृप्तता मिळते त्याला
बघा लावूनी ओठाशी.
पपई म्हणे मी छान बहुगुणी
ठेव ध्यानी मी पाचक रे,
कशास खातो चूर्णे सोळा
खुशाल होऊन याचक रे.
छान रसरशीत लिंबू म्हणतो
माझा ताजेपणा पहा,
लिंबूपाणी पी खुशाल अन
उत्साहातच न्हात रहा.
संत्री आणि मोसंबीच्या
मोठ्ठीच जादू अंगात,
मैत्री त्यांची सदा रंगवी
जीवन विविध रंगात.
पेरू, द्राक्षे, फणस नि बोरे
खुशाल खावी कैरी रे,
नकोच काही भलते सलते
आरोग्याचे वैरी रे.
सफरचंद अन सीताफळाला
स्थानच देऊ या वरचे,
दोन काळजीवाहू आपले
मानु या त्यांना घरचे.
अननस, अंजीर, आवळा ही तर
अ दर्जाची छान फळे,
हातात घेता हात तयांचा
भयाण संकट दूर पळे.
केळी, कवठे, खजूर, खरबूज
जांभूळ सुद्धा खरे महान,
चिंचा करवंदेही खावी
होऊन जावे बरे लहान.
आंबा हा तर राजा मित्रा
दे त्यालाही टाळी रे,
छान मांडली समोर प्रभूने
फळांची नैसर्गिक ही थाळी रे.
~~~~~~~~~~~~
.
फुले तर....
मोगरा, सोनचाफा.. यांच्या वासाने तर उन्हाळा दूर पळतो...
कुणी
हौशीने लावलेल्या रोपाला आलेली फुले... याची काही मजाच वेगळी.
घरात स्वतः लावलेल्या झाडाला आलेली फुले वाऱ्याच्या झुळकीने येणारा सुगन्ध अनुभवतात.
नागचाफा/अर्थात
कैलासपती/ वृक्ष फुले,
देवचाफा,
अशीच चाफ्यासारखी दिसणारी पांढरी शुभ्र फुले नुसती घोसानी असतात, लाल चाफा, कवठी चाफा...
सदा सर्वकाळ फुलणारी सदाफुली, जास्वंदी,
देवचाफा,
अशीच चाफ्यासारखी दिसणारी पांढरी शुभ्र फुले नुसती घोसानी असतात, लाल चाफा, कवठी चाफा...
सदा सर्वकाळ फुलणारी सदाफुली, जास्वंदी,
तरी त्यातही लक्ष वेधून घेते ते रक्तवर्णी जास्वंद,
तशी केशरी, पिवळे, पांढरे, गुलाबी, गडद गुलाबी,( राणी रंग)
लॅबर्नम... ची मस्त पिवळी फुले, हि फुले जणू आपले स्वागत करत असतात रस्त्याच्या कडेने .!
बोगनवेल तर नुसती बहरून आली आहे.!
एखाद्या वृक्षावर चढलेली रंगीबेरंगी बोगनवेल बघताना तर भान हरपून जाते.
कुठे कुठे तर शंकासुर ची फुले केशरी पिवळी लक्ष वेधून घेतात.
झुंजूमुंजू वेळी चांदणी ची फुले...
जणू तारकाच जमिनीवर आल्याचा आनंद देतात.
यातसुद्धा डबल तगर, उठावदार दिसते.
गुलमोहोर... अहाहा...!!!
लाल भडक, आणि केशरी. सुंदर हे सुद्धा रस्त्याच्या कडेने उभे असतात.
उन्हाळी लिली... छान केशरी रंग आणि आकार पण इतका मस्त असतो.!
शोभेची फुले सुद्धा मस्त असतात.
(त्यांची नावे मात्र मला माहित नाहीत पण दिसतात सुंदर)
आता लवकरच पाऊस येणार असा सांगावा घेऊन येतो तो बहावा...
छान पिवळा/ सोनेरी घोसाघोसाचा बहावा.!
कोणी याचे किती समर्पक वर्णन केलंय....
मन बहावा बहावा...
डोळे भरून पहावा...
जसे मायेचे तोरण...
मिळे त्याखाली विसावा
..मन बहावा बहावा...
डोळे भरून पहावा..
खाली उतरूनी येई...
सूर्यकिरणांची हि माया
मन बहावा बहावा....
ग्रीष्म ऋतूचे फुलणे...
लाल पिवळे ..तांबडे.
देई मनास ओलावा....
हिरवे पान ते सोनुले...
मन बहावा बहावा....
○○○○○○○○○○○○○○○○○○○○○
हा बहावा big bazar जवळ बघायला मिळतो.
○○○○○○○○○○○○○○○○○○○○○○
हे झाले काही फळे आणि फुले याबद्दल.!
झाडे तर सुंदर कोवळी पाने...
हिरव्या रंगाच्या अनेक छटा पाहायला मिळतात..
पिंपळाच्या पालवीकडे आणि
एकंदरीतच झाडाकडे बघत राहावे असे रंग बघायला मिळतात....
हे झाले नैसर्गिक स्वागत.!
मोठीच मोठी उन्हाळी सुट्टी. कित्तीतरी गोष्टी करता येतात या सुट्टीत,
खास म्हणजे
पाण्यात डुंबणे, ए.सी. मध्ये बसणे, नाटक सिनेमा पाहणे, ए सी गाडीने सहल.!
बर्फ गोळा, आईसक्रीम खाणे, मिल्कशेक, फालुदा.! कुल्फी.
वाह.! बहोत बढिया.!!!
आणि हो मुंबईत वीज जात नाही, पाण्याचा त्यामानाने दुष्काळ नसतो.
पण एक मात्र खरे कि अधूनमधून येणाऱ्या वाऱ्याच्या झुळकांचा आनंद घ्यायचा असेल तर....
पंखा, एसी बंद ठेवायला हवा.!
(म्हणजे खरे सुख कळेल)
□□□□□□□□□□□□□□□□□□
No comments:
Post a Comment